ramya krishnan will appear in place of nagarjuna in bigg boss telugu 4

బిగ్ బాస్‌కి దూరం కాబోతున్న నాగార్జున..! అసలు కారణం ఇదేనట..

Bigg Boss 4 Telugu

తెలుగులో నెంబర్ వన్ రియల్టీ షో ‘బిగ్ బాస్’… 3 సీజన్స్ పూర్తి చేసుకుని 4 వ సీజన్ లోకి అడుగుపెట్టింది. మొదట కాస్త తడబడినా ఆ తర్వాత రసవత్తరంగా సాగితోంది. నాగార్జున హోస్ట్‌గా వ్యవహరిస్తూ బుల్లితెర ప్రేక్షకులకు స్పెషల్ కిక్కిస్తున్నారు. సరిగ్గా ఈ సమయంలో బిగ్ బాస్ హోస్ట్ మారుతున్నారనే వార్తలు సోషల్ మీడియాలో వైరల్ అవ్వడం ఇప్పుడు జనాల్లో హాట్ టాపిక్ అయింది.

బిగ్ బాస్‌ హోస్ట్ స్థానంలో నాగార్జున బదులుగా వేరొక సెలబ్రిటీ కనిపించబోతున్నారని తెలుస్తుండటం ఆసక్తికరంగా మారింది. నాగార్జున ఇటీవలే తన కొత్త సినిమా ‘వైల్డ్ డాగ్’ షూటింగ్ నిమిత్తం థాయ్‌లాండ్ వెళ్లి ఇంకా తిరిగి రాలేదని తెలుస్తోంది. షెడ్యూల్ ప్రకారం ఇంకా కొన్ని వారాలపాటు అక్కడే షూటింగ్‌లో పాల్గొనాల్సి ఉందట. దీంతో నాగార్జునను డిస్టర్బ్ చేయకుండా కొన్ని ఎపిసోడ్స్‌లో ఆయన బదులుగా వేరొకరిని తీసుకోవాలని ప్లాన్ చేసిందట బిగ్ బాస్ యాజమాన్యం.

Also Read : లాస్య చేసిన ఆరోపణలఫై గీతా మాధురి సెటైర్..

bigg boss telugu 4 divi vadthya personal life

దీనికోసం ముందుగా ఎన్టీఆర్, నానిలతో పాటు నాగచైతన్యను కూడా సంప్రదించగా.. వారంతా తమ తమ సినిమా షూటింగ్స్‌తో బిజీగా ఉన్నామని చెప్పారట. దీంతో ఆ ఆఫర్ రమ్యకృష్ణ వద్దకు వెళ్లిందని టాక్ వినిపిస్తోంది. గత సీజన్ లోనూ నాగార్జున అందుబాటులో లేని సమయంలో రమ్యకృష్ణ హోస్ట్‌గా చేసి ప్రేక్షకాధరణ పొందింది. ఈ క్రమంలోనే బిగ్ బాస్ యాజమాన్యం తీసుకొచ్చిన ప్రపోజల్‌పై ఆమె కూడా సానుకూలంగా స్పందించి ఓకే చెప్పిందని విశ్వసనీయ వర్గాల సమాచారం.

ఈ వారం నుంచే బిగ్ బాస్ హౌస్ అన్ని బాధ్యతలు రమ్యకృష్ణ చేతిలో పెట్టారని.. శుక్రవారం సాయంత్రం ఆమె బిగ్ బాస్ హౌస్‌లో అడుగు పెట్టనుందని తెలుస్తోంది. మరోవైపు ఓ ప్రత్యేక విమానంలో వచ్చి బిగ్ బాస్ షూట్ చేసుకొని వెళ్లాలని నాగార్జున భావిస్తున్నట్లుగా తెలుస్తోంది. ఏది ఏమైనా ఈ వారం ఎపిసోడ్ హోస్ట్ ఎవరనే దానిపై జనాల్లో ఓ రకమైన కుతూహలం నెలకొంది. చూడాలి మరి నాగార్జున ఎలాంటి షాకిస్తాడో..!

Also Read : బిగ్ బాస్ లోకి ఎంట్రీ ఇవ్వనున్న అనుష్క..